By Leo Sarne | Radyo Pilipinas
Mula sa 206 kahapon (Enero 13), umabot na ngayon sa 372 ang mga lugar na nasa ilalim ng granular lockdown sa bansa.
Base ito sa pinakahuling tala ng Philippine National Police (PNP).
Ayon sa PNP, ang National Capital Region (NCR) ang nangungunang rehiyon pagdating sa bilang ng mga lugar na napasailalim sa granular lockdown na nasa 103.
Pumangalawa ang Central Luzon na may 57 at ikatlo ang Calabarzon na may 32.
Samantala, lumalabas naman sa datos na 1,308 ang bilang ng mga apektadong indibidwal dahil sa granular lockdown.
Nananatili namang nakabantay ang PNP sa mga granular lockdown areas para sa seguridad at para na rin magpatupad ng health protocols. (Radyo Pilipinas) – ag
