By Carmel Matus | Radyo Pilipinas
Kinumpirma ni Cebu Gov. Gwendolyn Garcia na natanggap na ng lalawigan ng Cebu ang nai-download na P20 milyong shelter assistance mula sa National Housing Authority (NHA).
Nagpasalamat ang gobernadora sa ayudang natanggap na makakatulong sa kanilang rebuilding phase sa ngayon.
Ayon kay Garcia, kanilang pag-aaralan ang guidelines sa paggamit ng ayuda, at kung maaaring idadagdag nila ito bilang pondo sa pagbili ng dagdag na shelter assistance na ipapamahagi sa ‘di bababa sa 300,000 pamilyang nasalanta ng Bagyong Odette sa 36 na mga bayan at lungsod.
Ito ay bukod pa sa inalaan na P1.5 bilyon mula sa lokal na pondo ng lalawigan na idadagdag din sa shelter assistance.
Sa ngayon, nakatuon ang lokal na pamahalaan ng lalawigan ng Cebu sa rehabilitasyon ng mga bahay na nasalanta ng Bagyong Odette. (Radyo Pilipinas) -ag
