LTFRB, inatasan ang mga bus operator na sahuran ang mga konduktor

Pinaalalahanan ng Land Transportation Franchising and Regulatory Board (LTFRB) ang mga bus operators na bumibiyahe sa EDSA Carousel na dapat ay pasahuran din nila ang mga konduktor sa kabila ng Service Contracting Program ng pamahalaan.

Sa ilalim ng programang ito, bayad ng pamahalaan ang mga driver at operator ayon sa kilometro na kanilang tinatakbo.

Inatasan ng LTFRB ang mga operator na bigyang sahod ang mga konduktor na nanlilimos sa mga pasahero dahil maituturing naman sila bilang kanilang empleyado.

Ayon kay Joel Bolano, OIC executive director ng LTFRB, kinakausap nito ang mga operators na dapat nakapaloob sa kontrata ang ‘employee-employer relationship’ sa pagitan ng mga konduktor, empleyado, at kompanya.

Saad naman ng Mega Manila Consortium Corporation (MMCC), nananatiling ‘no work, no pay’ ang mga konduktor mula nang ilunsad ang community quarantine classifications noong nakaraang taon bunsod ng pandemya.

Sa kabila nito, binigyan ng MMCC ang mga konduktor ng trabaho bilang mga bus controller na siyang kumukuha ng temperatura ng mga pasahero sa bawat istasyon bago sila sumakay ng bus.

Binabayaran din sila ng ₱537 kada araw o minimum wage rate sa National Capital Region (NCR) na kinukuha naman ng operator mula sa 70% na natatanggap sa ilalim ng Service Contracting Program.

Gayunpaman, tiniyak ng LTFRB na sila ay naghahanap ng paraan upang matulungan ng pamahalaan ang mga konduktor na naapektuhan ng pandemya. – Ulat ni Karen Villanda / CF-jlo

Panoorin ang PTV report dito:

Popular

Bringing gov’t service, info to the grassroots: PTV inaugurates regional center in Marawi City

By Brian Campued Continuing its mandate to amplify the government’s commitment to serving the people by reaching every corner of the nation, the People’s Television...

Ishiba seeks continued PH-Japan unity vs coercion in regional waters

By Darryl John Esguerra | Philippine News Agency Visiting Japanese Prime Minister Ishiba Shigeru on Tuesday called for continued coordination between Japan and the Philippines...

OCTA survey ‘validates’ admin’s efforts — PBBM

By Brian Campued The public’s appreciation of the administration’s efforts to address the Filipino people’s needs inspires President Ferdinand R. Marcos Jr. to continue bringing...

PH, Japan begin talks on new logistics deal

By Darryl John Esguerra | Philippine News Agency The Philippines and Japan agreed to begin negotiations on an Acquisition and Cross-Servicing Agreement (ACSA) that would...