By Kathleen Jean Forbes | Radyo Pilipinas
Nakiusap si Deputy Speaker Benny Abante sa mga senior citizen na magpabakuna na.
Kasunod na rin ito ng pahayag ni vaccine czar Secretary Carlito Galvez Jr. na nasa 1.5 milyon na senior citizen pa ang hindi nababakunahan.
Nakababahala aniya ang bilang na ito lalo at kabilang sa vulnerable sector ang mga senior citizen at may banta pa ng Omicron variant.
Hinikayat din nito ang mga kapamilya ng unvaccinated senior citizens na tiyagain na mahimok ang kanilang mga lolo at lola na magpabakuna na.
Tiwala aniya siya na malaki ang naitulong ng kaniyang pagiging vaccinated upang hindi maging malala ang dalawang beses na pagpopositibo niya sa COVID-19.
Kasabay nito ay nagpaalala rin siya sa publiko na patuloy na sundin ang minimum health safety protocols upang maiwasang lalo pang kumalat ang sakit. (Radyo Pilipinas) -ag
