NEA administrator, sangkot sa korapsyon ayon sa PACC

By Christine Fabro

Isang high-ranking government official ang sinampahan ng kaso ng Presidential Anti-Corruption Commission (PACC) hinggil sa pagkakasangkot umano nito sa korapsyon noong nakaraang 2019 national election.

Si Administrator Edgardo Masongsong ng National Electrification Administration (NEA) ay nahaharap sa kaso ng paggamit ng kaban ng gobyerno upang gastusin sa kampanya ng noo’y tumatakbong party-list group na PHILRECA (Philippine Rural Electric Cooperatives Association, Inc.), isa sa 121 electric cooperatives (ECs) na pinangangasiwaan ng NEA.

Kaugnay ng kandidatura ng PHILRECA, naglabas ang ECs ng mga board resolution ukol sa pag-aambag ng mga ito sa pondong nakalaan para sa pangangampanya ng nasabing party-list sa kongreso. 

Si Masongsong, isang undersecretary, ay lumabag diumano sa Republic Act (RA) No. 3019 o Anti-Graft and Corrupt Practices Act at sa Omnibus Election Code.

“Ito ay naisampa na namin kahapon online, at by next week, hopefully when the [Office of] the Ombudsman already opens, we will submit the hard copy of the case and evidence,” pahayag ni PACC Chairperson Greco Belgica sa Laging Handa public briefing noong Mayo 12.

Ayon kay Belgica, mariing ipinagbabawal ng batas ang paggamit ng pera ng gobyerno o pag-aambag nito sa pondo para sa pangangampanya ng alinmang kandidato o party-list.

“Napatunayan namin na there is a probable cause na pwedeng tingnan ng Ombudsman sa paglilitis. Sila na po ang bahala kung ano ang kanilang mapagdedesisyunan sa aming nilatag na kaso,” ani Belgica.

Una nang nag-sumite ang PACC ng kaso noong nakaraang linggo laban sa ilang opisyal ng Department of Public Works and Highways (DPWH) at Department of Environment and Natural Resources (DENR).

Saad ni Belgica, ito ay patunay na hindi tumitigil ang PACC sa pagsupil sa mga katiwalian sa gobyerno. 

Noong 2019, matatandaang isinulong ni Belgica ang pagturing sa korapsyon bilang isang ‘heinous crime,’ at dapat daw patawan ng parusang kamatayan ang sinumang sangkot sa mga gawaing ito.  -jlo

Popular

Bringing gov’t service, info to the grassroots: PTV inaugurates regional center in Marawi City

By Brian Campued Continuing its mandate to amplify the government’s commitment to serving the people by reaching every corner of the nation, the People’s Television...

Ishiba seeks continued PH-Japan unity vs coercion in regional waters

By Darryl John Esguerra | Philippine News Agency Visiting Japanese Prime Minister Ishiba Shigeru on Tuesday called for continued coordination between Japan and the Philippines...

OCTA survey ‘validates’ admin’s efforts — PBBM

By Brian Campued The public’s appreciation of the administration’s efforts to address the Filipino people’s needs inspires President Ferdinand R. Marcos Jr. to continue bringing...

PH, Japan begin talks on new logistics deal

By Darryl John Esguerra | Philippine News Agency The Philippines and Japan agreed to begin negotiations on an Acquisition and Cross-Servicing Agreement (ACSA) that would...