Nora Aunor, pararangalan bilang KWF Kampeon ng Wika 2021

Gagawaran ng Komisyon sa Wikang Filipino (KWF) ng Kampeon ng Wika 2021 si Nora C. Villamayor aka Nora Aunor dahil sa kanyang hindi matatawarang ambag sa larangan ng pelikulang Pilipino na sumalamin sa búhay ng mga mamamayang Pilipino.

Siyá ay isang batikang artista, mang-aawit, prodyuser, at nakatanggap ng iba’t-ibang parangal mula FAMAS Award, Gawad Urian Award, Metro Manila Film Festival, Luna Awards, Gawad Tanglaw, at iba pa.

Kinilála sa bansa at international community ang kanyang mga pelikula, kabilang ang Guy and Pip, Lollipops and Roses, Tatlong Taóng Walang Diyos, Minsa’y Isang Gamu-Gamo, Himala, Bilangin Ang Bituin Sa Langit, Andrea, Paano Ba Maging Isang Ina?, Ang Totoong Búhay ni Pacita M, The Flor Contemplacion Story, Babae, Naglalayag, Thy Womb, at marami pang iba.

Kikilalanin din ng KWF bílang Kampeon ng Wika ang Alyansa ng mga Tagapagtanggol ng Wikang Filipino o Tanggol Wika dahil sa adbokasiya na nagpapahalaga sa wikang Filipino at panitikan. Ang Tanggol Wika ay may halos 800 rehistradong kasapi na binubuo ng alagad ng wika, edukador, mananaliksik, at mag-aaral mula sa iba’t-ibang unibersidad sa buong bansa.

Magaganap ang pagtatanghal sa Nob. 9, 10:00 n.u. sa Legazpi Ballroom Makati Diamond Residences, Brgy. San Lorenzo, Legazpi Village, Lungsod Makati at naka-live stream sa Live sa www.facebook.com/komfilgov. (KWF) – jlo

 

Popular

PBBM orders crackdown, vows reform on transport system after tragedies at SCTEX and NAIA Terminal 1

By Brian Campued President Ferdinand R. Marcos Jr. vowed to implement reforms in the country’s transport sector as he lamented the deaths of several individuals...

PBBM, Malaysian PM tackle economic, security issues faced by ASEAN

By Ruth Abbey Gita-Carlos | Philippine News Agency President Ferdinand R. Marcos Jr. spoke with Malaysian Prime Minister Anwar Ibrahim over the phone on Friday...

NMC: China’s ‘seizure’ of Sandy Cay ‘clear example of disinformation’

By Ruth Abbey Gita-Carlos | Philippine News Agency The National Maritime Council (NMC) on Saturday slammed China’s disinformation activities by announcing that it has taken...

PCO eyes inter-agency task force to combat fake news

By Christopher Lloyd Caliwan | Philippine News Agency The Presidential Communications Office (PCO) on Friday said it would create an inter-agency task force to combat...