SSS pensioners makakatanggap ng maagang pensyon simula Marso 23

Inanunsyo ng Social Security System (SSS) na simula Marso 23, 2020 ay maagang natanggap ng mga pensyonado ang kanilang pensyon para sa buwan ng Abril 2020.

“Nakikiisa kami sa mandato ng gobyerno na bigyang ayuda ang ating mga mamamayan lalo na ang ating mga pensyonado. Isa rito ang maagang pagbibigay ng kanilang pensyon upang mabigyang tulong pang-pinansyal sila sa kanilang mga pangangailangan. Makatutulong ito sa ating mga pensioners sa gitna ng kasalukuyang krisis na kinakaharap ng ating bansa bunsod ng coronavirus disease 2019 (CoVID-19),” ayon kay SSS President and Chief Executive Officer Aurora C. Ignacio.

Humiling na rin ang SSS sa mga partner-banks nito na payagan ang maagang pagbibigay ng pensyon sa buwan ng Abril 2020 na mas una sa regular na iskedyul.

“Pinapangalagaan namin ang kapakanan at kaligtasan ng ating mga pensyonado higit lalo sila na mas malapit sa mga sakit at karamdaman, kabilang na ang mga naninirahan sa ilalim ng enhanced community quarantine,” paliwanag ni Ignacio.

Naiulat ng SSS na nagsimula na ang pagbibigay ng maagang pensyon ng Dumaguete City Development Bank noong Marso 23. Ibibigay naman ngayong araw, Abril 1, ang mga pensyon mula sa First Consolidated Bank, Cooperative Bank of Quezon Province, BDO, CTBC Bank, at Country Builders Bank. Samantala, sa Abril 3 naman magbibigay ang Money Mall Rural Bank at Bank of Commerce. “Maliban sa mga nasabing bangko, may mga hinihintay pa kaming sagot mula sa iba pa naming partner-banks para sa maagang pagbibigay ng kanilang pensyon sa buwang ito,” dagdag pa ni Ignacio.

Nakapaglabas na ang SSS ng kabuuang P11.9 bilyon sa mga partner-banks nito para sa pensyon ngayong Abril 2020 na mapakikinabangan naman ng higit 2.7 milyon na pensyonado.

Pinapaalala rin ng SSS sa mga pensyonado na sa mga susunod na buwan, ibabalik na sa dating iskedyul ang pagbibigay ng kanilang mga buwanang pensyon batay sa kanilang contingency date o araw ng kanilang kapanganakan.

Popular

Solon lauds 5.4% GDP growth in Q1 2025

By Dean Aubrey Caratiquet In a statement on Thursday, May 8, House Speaker Martin Romualdez expressed strong approval of the country’s 5.4% gross domestic product...

Gov’t to improve job quality, address labor market challenges

By Anna Leah Gonzales | Philippine News Agency The administration of President Ferdinand R. Marcos Jr. will implement the Trabaho Para sa Bayan (TPB) Plan...

PBBM’s ‘Libreng Sakay’ benefits 4.3-M passengers

By Brian Campued Nearly 4.3 million passengers reportedly benefited from free train rides offered by Metro Rail Transit Line 3 (MRT-3), Light Rail Transit Lines...

PBBM orders probe into NAIA bollards after T1 tragedy

By Brian Campued President Ferdinand R. Marcos Jr. ordered a separate probe into procurement and technical specifications of the bollards installed at the Ninoy Aquino...