Para maiwasan ang kumpulan ng mga tao sa mga vaccination sites, nagpaalala ang Department of Health (DOH) na may mga patakaran pa ring dapat sundin, katulad ng pagpaparehistro.
Ang mga sumusunod ay mga dapat gawin bago dumiretso sa mga vaccinations sites:
- Magpalista sa vaccination registration ng inyong local government units (LGU) sa pamamagitan ng pagpindot sa link na kanilang ibinabahagi online.
Maaari ring magparehistro sa tradisyunal na pamamaraan, katulad sa mga LGUs na gumagawa ng house-to-house visit.
Para sa mga kabilang sa Priority Group A4, maaaring magparehistro sa LGU o sa kumpanyang pinagtatrabahuan, at ang kumpanya ang siyang makikipag-ugnayan sa LGU.
- Hintayin ang kumpirmasyon na ikaw ay pwede nang bakunahan. Ito’y maaring manggaling sa inyong LGU sa pamamagitan ng text message.
Isinasaad din sa kompirmasyon ang eksaktong araw, oras, at lugar kung saan kayo babakunahan.
- Sabihan ang inyong LGU kung kayo ay sisipot sa nasabing oras.
- Kapag kumpirmado na ang inyong schedule, siguraduhing pumunta nang maaga o sumipot sa nakatakdang oras.
Iwasang tumuloy sa vaccination site kung wala pang kumpirmadong schedule.
- Sa araw ng pagbabakuna, dalhin ang mga sumusunod:
- ID
- Consent Form
- Ballpen
- Registration Form
- Vaccination Card
- Isuot nang tama ang face mask at face shield. Magdala rin ng alcohol o hand sanitizer, at obserbahin ang isang metrong distansya sa ibang tao. AG-rir
Basahin: Following process: What to do before trooping to vaccination sites
