By Angelie Tajapal | Radyo Pilipinas Cebu
Walang naitalang firecrackers-related incident ang Cebu City Disaster Risk Reduction and Management Office (CCDRRMO) at Cebu City Police Office sa pagsalubong sa Bagong Taon.
Ayon kay Renzo del Rosario, head ng data management team ng CCDRRMO, karamihan sa mga naitalang insidente mula 12:00 a.m. hanggang 6:00 a.m. ay vehicular accidents. Dalawang insidente ng pananaksak rin ang kanilang naitala.
Napag-alaman na mula noong Pasko, ipinagbabawal sa Cebu City ang pagbebenta at paggamit ng mga paputok, gayundin ang mga pyrotechnic devices.
Maaari umano itong pagmulan ng sunog, lalo na at maraming mga tuyong sanga at dahon ng kahoy sa paligid ang iniwan ni Bagyong Odette.
Samantala, ang Cebu City Fire Office ay wala ring narespondehang insidente ng sunog sa pagsalubong sa Bagong Taon. (Radyo Pilipinas) -ag
