Bagyong Odette, tatama sa Cagayan ngayong gabi

QUEZON — Tuloy tuloy ang paalala ng PAGASA sa mga kababayan sa Hilagang Luzon na paghandaan ang Bagyong Odette.

Ang Bagyong Odette ay inaasahang dadaan sa Cagayan ngayong gabi.

Umiiral ngayon ang Tropical Cyclone Warning Signal No. 1 sa Batanes, Cagayan, Babuyan group of Islands, Isabela, Apayao, Abra, Kalinga, Mountain Province, Ifugao, Ilocos Norte at Ilocos Sur.

Pinapayuhan din ng PAGASA  ang mga lokal na pamahalaan sa mga maaapektuhang lalawigan na magsagawa ng mga nararapat na hakbang sa panahong ng bagyo hanggang maaga pa.

Inaasahan na katamtaman hanggang napakalakas na pag-ulan ang mararanasan sa loob ng 350 kilometrong lapad ng bagyo.

Dahil sa mga kabundukan at ilog ang pagbuhos ng ulan ng Bagyong Odette, hindi malayo ang posibilidad na magkaroon ng pagguho ng lupa at biglaang pagbaha.

Namataan ang mata ng bagyo kaninang ika-4 ng hapon sa layong 285 kilometro silangan ng Aparri, Cagayan batay sa lahat ng nakalap na datos.

Napanatili nito ang kanyang lakas ng hangin na 55 kilometro bawat oras at pagbugso na 65 kilometro bawat oras.

Pa-kanluran pa rin ang direksyong tinatahak ng Bagyong Odette sa bilis na 30 kilometro bawat oras.

Pinapayuhan rin ng PAGASA  ang mga mangingisda at maglalayag na ipagpaliban ang pagpalaot sa hilaga at silangang baybayin ng Hilagang Luzon dahil sa paglaki ng mga alon dala ng papalapit na bagyo.

Ngayong umaga inaasahang makakalabas sa kalupaan ng Hilagang Luzon ang Bagyong Odette. (Lyndon Plantilla/PIA-DRRC)

Popular

PBBM vows sustained recovery efforts in Cebu after deadly quake

By Brian Campued President Ferdinand R. Marcos Jr. on Thursday assured Cebuanos that the government will continue to provide assistance in Cebu as it reels...

PBBM to soldiers: Serve the citizenry, protect the homeland

By Dean Aubrey Caratiquet “Panata ito ng katapatan sa tungkulin at paninindigan para sa bayan.” At the oath-taking ceremony of 29 newly promoted generals and flag...

Gov’t assures prompt aid to Cebu quake victims

By Brian Campued Following the directive of President Ferdinand R. Marcos Jr. to provide immediate relief to families and individuals affected by the magnitude 6.9...

PBBM assures sustained gov’t support to calamity-hit Masbate

By Brian Campued President Ferdinand R. Marcos Jr. on Wednesday assured the public that the government will continue to provide various forms of assistance to...