Nakapagtala ang Department of Health (DOH) ng karagdagang 10,739 kasong gumaling sa COVID-19 nitong Miyerkules (Abril 28).
Ayon sa bagong case bulletin ng DOH, nasa 935,695 na ang kabuuang bilang ng mga gumaling sa sakit, o 91.7% ng kabuuang kaso na ngayon ay nasa 1,020,495 na.
May 6,895 namang bagong kasong naitala at 115 na karagdagang bilang ng mga pumanaw. Sa kasalukuyan, nasa 17,031 na ang namatay sa COVID-19 sa Pilipinas.
Samantala, 1,809,801 na ang bilang ng bakunang naiturok sa mga pangunahing benepisyaryo mula sa 3,525,600 na kabuuang supply na mayroon ang Pilipinas.
Sa nasabing bilang, 88% na ang nakatanggap ng first dose at 14% na ang natanggap ang kanilang second dose.
Pinakamarami pa rin ang nabakunahan sa Metro Manila, na nasa 1,221,870. – PTV News/AG-jlo
Panoorin ang ulat na ito:
