By Leo Sarne | Radyo Pilipinas
Umakyat na sa 208 ang mga napaulat na bilang ng mga nasawi dahil sa pananalasa ng bagyong Odette.
Batay ito sa consolidated report ng Philippine National Police Operation Center ngayong alas-6 ng umaga.
Pinakamaraming nasawi sa Central Visayas na 129.
Sinundan ng CARAGA na may 41 nasawi at Western Visayas na may 24 na nasawi.
Nasa pito naman ang nasawi sa Northern Mindanao, anim sa Eastern Visayas, at isa sa Zamboanga Peninsula.
Kasama sa mga dahilan ng pagkasawi ang pagkalunod, nabagsakan ng puno at debris at pagkabaon sa gumuhong lupa.
Samantala, nakasaad din sa datos ng PNP na 239 ang nasaktan dahil sa bagyo habang 52 naman ang nawawala at patuloy pang hinahanap. (Radyo Pilipinas)-rir
