By Tom Alvarez | Radyo Pilipinas Lucena
Inilunsad ng pamahalaang lungsod ng Biñan, Laguna ang bakunahan sa mga batang 5-11 taong gulang na ginanap sa Southwoods Mall at Historic Alberto Mansion kahapon, Pebrero 18.
Ayon sa opisyal na pabatid ng pamahalaang lungsod sa pamamagitan ng City Information Office, naghanda sila ng puppet show, libreng mga pagkain, at regalo para sa mga batang nakiisa sa bakunahan.
Kaugnay nito ay sisimulan naman sa susunod na linggo ang Resbakuna Kids sa kaparehong age group sa mga paaralan sa Biñan na isasagawa sa Splash Island at Southwoods Mall.
Nauna nang isinagawa ang symbolic launching ng Vax for Kids sa mga lungsod ng San Pablo, Cabuyao, at Santa Rosa sa lalawigan ng Laguna nitong nakalipas na linggo.
Ayon naman sa Department of Health Center for Health Development (DOH-CHD) IV-A, tinatarget nilang maturukan ng reformulated Pfizer vaccine ang mahigit sa 2 milyong kabataang kabilang sa age group 5-11 sa buong Calabarzon sa loob ng 3 buwan. (Radyo Pilipinas)
-ag
