Mga SUC sa Mimaropa, sinanay sa pamamahala ng teknolohiya at commercialization

Pinangasiwaan ng Department of Science and Technology (DOST) – Mimaropa ang training workshop kaugnay sa ‘management of technology/commercialization’ para sa anim na state colleges at universities sa rehiyon, katuwang ang mga eksperto sa Hanyang University ng Seoul, South Korea na siyang nagsilbing tagapagturo. (Photo by Leila B. Dagot, PIA-Palawan)

PUERTO PRINCESA, Palawan, Enero 17 (PIA) — Sumailalim sa tatlong-araw na pagsasanay sa teknolohiya at commercialization ang mga kinatawan mula anim na unibersidad at kolehiyo ng Mindoro, Marinduque, Romblon at Palawan (Mimaropa) kamakailan na isinagawa sa lungsod ng Puerto Princesa.

Ito ay sa bunsod ng pakikipagkasundo ng Department of Science and Technology (DOST) – Mimaropa sa Hanyang University ng Seoul, South Korea.

“Ang bottom line nito, matuto tayo na mag-commercialize ng ating mga outputs, para makatulong sa socio economic development, sa pamamagitan ng mga bagong hanapbuhay, bagong business, na mapapakinabangan din sa mga opisina at iba pang organisasyon”, ani Dr. Ma. Josefina Abilay, regional director ng DOST-Mimaropa sa Philippine Information Agency (PIA).

Anim na mga eksperto mula sa Hanyang University ang nagsilbing mga tagapagturo sa mga partisipante na kinatawan ng Mindoro State College, Marinduque State College , Romblon State University, Occidental Mindoro State University, Palawan State University at Western Philippines University.

“Ibinabahagi nila (resource persons) ang kanilang kaalaman, kung paano nila ginagawa ang kanilang mga teknolohiya at commercialization”, dagdag pa ni Direktor Abilay.

Hangad din ng DOST na mapaangat ng husto ang kaalaman ng mga mananaliksik sa rehiyon upang magamit ng gobyerno at mapakinabangan ng lipunan ang mabubuong resulta ng mga ito.

Samantala, ani Abilay, ikalawang beses nang nangasiwa ang DOST ng parehong pagsasanay, kung saan sa naunang pagkakataon ay naging kabahagi ng kagawaran ang mga lokal na tagapagturo.

Bukod sa training workshop, nakapaloob din sa pakikipag-kasundo ng DOST ang pakikipag-palitan ng mga estudyante, guro at maaari ring bumuo ng kurikulum base sa pamamahala ng teknolohiya. (LBD/PIAMIMAROPA-Palawan)

Popular

Tarriela exposes pro-China fake news campaign on WPS; tags 2 Filipino bloggers linked to disinformation machinery

By Dean Aubrey Caratiquet In his presentation before the House Tri-Committee on Tuesday, April 8, Philippine Coast Guard (PCG) Spokesperson for the West Philippine Sea...

Malacañang to poll bets: Don’t use emergency alerts for campaign

By Darryl John Esguerra | Philippine News Agency Malacañang on Tuesday warned election candidates against abusing the emergency cell broadcast system (ECBS) for campaign purposes,...

Qatar dismisses charges vs. OFWs for illegal assembly — Palace

By Brian Campued Authorities have dismissed the charges against the 17 overseas Filipino workers (OFWs) in Qatar for participating in an illegal assembly after being...

Palace assures assistance to nabbed Pinoys in China for alleged spying

By Brian Campued President Ferdinand R. Marcos Jr. has directed concerned government agencies to provide necessary legal assistance to the three Filipinos arrested in China...